რვა ყველაზე უჩვეულო და ლამაზი პლიაჟი მსოფლიოში (ფოტოები)

ეს საინტერესოა - 13:46, 23 Apr, 2018

51506

გთავაზობთ ყველაზე უჩვეულო და ლამაზ რვა პლიაჟს მსოფლიოში, რომელთა წარმოშობის ისტორიაც არანაკლებ საინტერესო და გასაოცარია, ვიდრე თავად პლიაჟები.

ვარდისფერი პლიაჟი, ბაჰამის კუნძულები
ერთერთი ყველაზე გასაოცარი ადგილი მსოფლიოში, ქვიშის უჩვეულო ფერი განპირობებულია ერთუჯრედიანი ორგანიზმების ფორამინოფერების ნიჟარების ნაწილაკებით.

შუშის პლიაჟი, კალიფორნია, აშშ
აქ ადრე ნაგავსაყრელი იყო, რომელიც 1967 წელს დაიხურა და წლების განმავლობაში მიდიოდა ტერიტორიის სისტემატიური გაწმნდა. ახლა აქ ნაგავი აღარაა და ზღვის წყალმაც თავისი ქნა - შუშის ნატეხებისაგან სხვადასხვა ფერის ულამაზესი კენჭები "გამოთალა".

Hyams Beach, ავსტრალია
პლიაჟი, სადაც ყველაზე თეთრი ქვიშაა მსოფლიოში.

მახო, კარიბის კუნძულები
თუ დასასვენებლად ამ პლიაჟს ეწვევით, თავბრუსდამხვევი შთაბეჭდილება გელით - პლიაჟზე ნებივრობისას, თქვენს თავზე, სულ რაღაც 20 მეტრის სიმაღლეზე გიგანტური ავიალაინერები გადაგიფრენენ! შთაბეჭდილება დაუვიწყარია, ალბათ ხმაურიც!

უაიტჰევენ ბიჩი, ავსტრალია
უაიტჰევენი (თეთრი სამოთხე) ნამდვილად არ ჩამოუვარდება ქვიშის სითეთრით მის მეზობელ Hyams Beach-ს. ეს ფერი ქვიშის შემადგენლობაში სილიციუმის (98%) არსებობითაა განპირობებული.

პლეა დელ ამორ - ფარული პლიაჟი, კუნძული მარიეტა, მექსიკა
ამ ფანტასტიური ადგილის აღმოჩენა მხოლოდ ტალღების ხმაურის შედეგად მოხერხდა, მისი დანახვა ზღვიდან შეუძლებელია. არც მისვლაა ადვილი, მაგრამ თუ იქ მოხვდებით, სრული რელაქსაცია და სიმშვიდე გელოდებათ.

პლიაჟი კუნძულ ვაადჰუზე, მალდივის კუნძულები
ეს პლიაჟი ნამდვილად ყველაზე ლამაზია მსოფლოში - ღამით. იფი მრავალფეროვანი სიმათლით ნათდება მზის ჩასვლის შემდეგ. ამას პლიაჟზე არსებული მიკროორგანიზმების სხეულში მიმდინარე ქიმიური რეაქციის შედეგია, რომელიც ლუმინისცენციას იწვევს.

გრეის ბეი, კარიბის კუნძულები
თეთრი გრილი ქვიშა, რომელიც ავსტრალიურ პლიაჟებს არ ჩამოუვარდება, მშვიდი ზღვა და კომფორტი - ეს პლიაჟი არაერთხელ დასახელებულა მსოფლიოს საუკეთესო პლიაჟად.