შემზარავი მკვლელობა თურქეთში - გერმანელი ცოლ-ქმრის მკვლელი მებაღეა?

მსოფლიო - 21:54, 22 Aug, 2014

9364

თურქეთის ქალაქ ალანიაში შემზარავი მკვლელობა მოხდა. გერმანელი ცოლ-ქმარი, 50 წლის კერსტინი და 65 წლის პიტერი, ნათესავებმა თურქეთის პოლიციაში მათთან კონტაქტის გაწყვეტის შემდეგ მოიკითხეს. ადგილობრივმა სამართალდამცავებმა ცოლ-ქმარი 12-სართულიანი საცხოვრებელი სახლის მე-10 სართულზე გარდაცვალებიდან რამდენიმე დღის შემდეგ აღმოაჩინეს. პოლიციამ მამაკაცის გვამი საცხოვრებელი სახლის კორიდორში, ხოლო მისი მეუღლის კი საძინებელში აღმოაჩინა. ცოლ-ქმარს ხელ-ფეხი გაკოჭილი ჰქონდა, ხოლო პირი ე.წ. სკოჩით აკრული. სხეულის დათვალიერებით, ცოლ-ქმარი ნაწამები იყო. გარდაცვლილთა გვამები სასაამრთლო ექსპერტიზას გადაეცა. პოლიციის თქმით, ცოლ-ქმარი დაახლოებით, 10-14 დღის წინ მოკლული უნდა იყოს.

ერთერთი გერმანული გამოცემის თანახმად, გერმანელ ცოლ-ქმარს მკვლელობამდე რამდენიმე დღით ადრე, ახალგაზრდა თურქი გაიცნეს, რომელიც ამჟამად ეჭვმიტანილის სახით იკითხება. პოლიცია ყველა მოწმეს კითხავს და სათვალთვალო კამერებს სწავლობს იმ მოტივით, რომ დანაშაულის კვალს მიაგნონ.

ბოლო ინფორმაციით, პოლიციამ გერმანელი ცოლ-ქმრის გარდაცვალების შემდეგ ის მებაღე დააკავა, რომელიც ცოლ-ქმარს ბოლო შაბათს თან ახლდა კომუნალური ხარჯების გადასახდელად.