სკანდალური კოცნა - ესტონეთის პირველი ლედის ფოტო, რომელზეც ის ახალგაზრდა მამაკაცთან ერთადაა, პაპარაცებმა დააფიქსირეს.

პრესაში ქვეყნის პირველი ლედის მაკომპრომეტირებელი ვიდეო და ფოტოები გავრცელდა. გამოცემა „ქრონიკას“ დღევანდელი ნომრის პირველ გვერდზე დატანილია ფოტოსურათი, რომელზეც ეველინ ილვესი უცნობს კოცნის.

გამოცემის საიტზე კი 7-წამიანი ვიდეო გავრცელდა, რომელზეც პრეზიდენტის მეუღლე ამავე მამაკაცთან ცეკვავს და თან კოცნის.

გამოცემის ცნობით, აღნიშნული ვიდეო 7 აგვისტოს, ესტონეთის დედაქალაქში, ტალინშივე მდებარე კაფე „კომეტშია“ გადაღებული. როგორც სტატიაშია აღნიშნული, პირველმა ლედიმ და უცნობმა ობიექტი ერთად დატოვეს.

ჯერჯერობით ოფიციალური კომენტარები არ კეთდება. პრესაში წერენ, რომ პრეზიდენტი ტომას ჰენდრიკ ილვესი მეუღლეზე 13 წლით უფროსია.

ნინა შადური