მინსკის შეხვედრა პუტინის დაკრულზე ცეკვაა

მსოფლიო - 13:24, 22 Aug, 2014

1305

როგორც ცნობილია, 26 აგვისტოს მინსკში გაიმართება შეხვედრა ფორმატით - "უკრაინა-ევროკავშირი-ევრაზიული სამეული" (რუსეთი, ბელორუსი, ყაზახეთი)". მასზე განხილული იქნება საკითხები, რომლებიც უკავშირდება უკრაინა ევროკავშირს შორის ასოცირების ხელშეკრულების იმპლემენტაციას, ენერგეტიკულ უსაფრთხოებას და სიტუაციას დონბასში.

გარდა უკრაინის, რუსეთის, ბელორუსის და ყაზახეთის პრეზიდენტებისა, შეხვედრაში სამი ევროკომისარი მიიღებს მონაწილეობას - საგარეო პოლიტიკისა და უსაფრთხოების საკითხებში - კეტრინ ეშტონი, ენერგეტიკის საკითხებში - გიუნტერ ოტტინგერი, ვაჭრობის საკითხებში კარლდე გუხტი.

უკრაინულ მედიაში ერთგვარი გაუგებრობა გამოიწვია ამ შეხვედრის დღის წესრიგმა, რომელშიც მხოლოდ მესამე საკითხადაა შესული აღმოსავლეთ უკრაინაში მიმდინარე მოვლენების განხილვა.

"დონბასში არსებული ვითარება მხოლოდ მესამე საკითხია, ეს მაშინ როდესაც იქ გააფთრებული ომი მიდის, იღვრება სისხლი, ხოლო ომში არა მხოლოდ ტანკები და "გრადები", არამმედ სუპერთანამედროვე რუსული იარაღი - "ურაგანი" გამოიყენება," - წერს ინტერნეტპორტალ "ინფორესისტში" გამოქვეყნებული სტატიის ავტორი.

გარდა საკითხების რიგითობისა, ჟურნალისტის გაიცებას იწვევს, თუ რატომ განიხილება ევროკავშირ-უკრაინას შორის დადებული ხელშეკრულება და ზოგადად უკრაინაში მიმდინარე მოვლენები "ევრაზიულ კავშირთან", როდესაც მონაწილე ქვეყნებიდან ერთერთის - ბელორუსის წინააღმდეგ დიდი ხანია ევროკავშირს სანქციები აქვს დაწესებული; ბელორუსს და ყაზახეთს არანაირი შეხება აქვთ უკრაინაში მიმდინარე მოვლენებთან და არც რაიმე სახის გავლენის მოხდენა შეუძლიათ რუსეთის პრეზიდენტზე.

რაც შეეხება ასოცირების ხელშეკრულების საკითხს - რუსეთმა თავიდანვე დააყენა ეჭვქვეშ უკრაინის უფლება თვითონ განსაზღვროს თუ რა სახის ურთიერთობები და ხელშეკრულებები ექნება სხვადასხვა საერთაშორისო ორგანიზაციებთან თუ ქვეყნებთან. სწირედ ამ უხეშ ჩარევას მოჰყვა კიდევაც ვითარების დაძაბვა უკრაინაში.

"ჩვენ და ევროპელები, დავთანხმმდით რა მოლაპარაკებები ვაწარმოოთ "ევრაზიულ კავშირთან", ფაქტიურად პუტინის დაკრულზე ვცეკვავთ. არადა პატარა ქვეყნებმა - მოლდავეთმა და საქართველომ უკვე გაუკეთეს რატიფიცირება ანალოგიურ ხელშეკრულებებს ევროკავშირთან, ხოლო ჩვენ ჯერ სხდომის დღის წესრიგშიც კი არ შეგვიტანია," - წერს ავტორო.

ამ მოსაზრებებიდან გამომდინარე, სტატიის ავტორი მიიჩნევს, რომ ეს შეხვედრა დადებითად ვერ იმოქმედებს უკრაინის მომავალზე. მისი აზრით, მოლაპარაკებებს მხოლოდ მაში ექნებათ აზრი, როდესაც ის, საერთაშორისო სტანდარტების შესავბამისად, გაიმართება ჟენევაში, მასში უკრაინასა და რუსეთის გარდა მონაწილეობას მიიღებს ევროკავშირი, ეუთო, აშშ და გაერო; სადაც ლაპარაკი იქნება დროებით ზავზე, ცეცხლის შეწყვეტაზე, ტერორისტებისა და რუსული ტექნიკის გაყვანაზე უკრაინიდან და სხვ.

"სხვა ნბებისმიერი ფორმატი და დღის წესრიგი - ეს არის ერთი ამბიციური ადამიანის - პუტინის მიერ მთელი მსოფლიოს მასხრად აგდება და დროის ფუჭი კარგვა," - ასკვნის ავტორი.