რუსთავის #6 დაწესებულებაში მომხდარ ინციდენტთან დაკავშირებით დღეს განმარტებები გაკეთდა სასჯელაღსრულების სამინისტროში.

უწყებაში განმარტავენ, რომ ხმაური ორი პატიმრის დაპირისპირებამ გამოიწვია.

„გუშინ ღარმის პირველი საათისათვის, აღნიშნული დაწესებულების ერთ-ერთ საკანში მსჯავრდებულებს შორის მოხდა კონფლიქტი, შედეგად ერთ-ერთი მსჯავრდებული, რომელიც გამოირჩეოდა განსაკუთრებული აგრესიით, სიტუაციის განმუხტვის მიზნით და თანასაკნელების უზრუნველსაყოფად სასჯელაღსრულების დეპარტამენტის თანამშრომლების მიერ გადაყვანილი იქნა #7 დაწესებულებაში.

აქვე ხაზგასმით მინდა აღვნიშნო, რომ #6 სასჯელაღსრულების დაწესებულებაში არც ერთი სპეცრაზმელი შეყვანილი არ ყოფილა“, განაცხადა სასჯელაღსრულების და პრობაციის სამინისტროს ადმინისტრაციული დეპარტამენტის უფროსის მოადგილემ თეა პერტაიამ.

ამ დროისთვის რუსთავის მე-6 დაწესებულებასთან სიმშვიდეა. ვითარების გადამოწმებას ადგილზე "ახალგაზრდა იურისტთა ასოციაცია" ცდილობს.

საია-ს წარმომადგენელი ციხეშია შესული. დაწესებულებასთან რამდენიმე მსჯავრდებულის ოჯახი იმყოფება, მათი ნაწილი ამანათების გადაცემას, ნაწილი კი, დაგეგმილ პაემანს ელოდება.

ნინა შადური