უკრაინული არმია შეტევით ოპერაციას განაგრძობს

მსოფლიო - 19:25, 20 Aug, 2014

1964

უკრაინელი მებრძოლები აგრძელებენ შეტევით ოპერაციას , რომლის მიზანიც არის დონეცკის და გორლოვკის შორის კავშირის გაწყვეტა , რათა ხელი შეუშალონ ახალი საბრძოლო ტექნიკის და ცოცხალი ძალების მიწოდებას.

ამის შესახებ კიევში ბრიფინგზე უკრაინის უშიშროების საბჭოს სპიკერმა ანდრეი ლისენკომ განაცხადა.

ამჟამად საბრძოლო მოქმედებები მიმდინარეობს ილოვაისკის, იასინოვატოის, დონეცკის, ლუგანსკის და საურ-მოგილის რაიონებში. ანტიტერორისტული ოპერაციის ძალები ცდილობენ იზოლაციაში მოაქციონ იზვარინო,კრასნოდონი, კოლპაკოვო, შახტერსკი, კრასნი ლუჩი და სხვა დასახლებული პუნქტები, რომლებიც მდინარე ჩრდილოეთის დონეცის ახლოსაა განლაგებული, უკანასკნელი ორი დღე-ღამის განმავლობაში ზუსტად ამ ტერიტორიებიდან შეინიშნებოდა ტერორისტული ჯგუფების ლუგანსკში შემოდინება .

„უკრაინელი სამხედროებისთვის ლუგანსკში და დონეცკში სამხედრო მოქმედებები რთულად მიმდინარეობს, რადგან ტერორისტები მათ წინააღმდეგ მძიმე ტექნიკას იყენებენ, ლუგანსკში ჩეჩენი ეროვნების დაქირავებულები ქალაქის ტერიტორიას „გრადის“ ტიპის დანადგარებით ბომბავენ. მიუხედავად ამისა ქალაქის მნიშვნელოვანი ნაწილი უკვე ანტიტერორისტული ოპერაციის ძალების კონტროლქვეშაა გადასული“- აცხადებს ლისენკო.

„პარალელურად უკრაინელი მებრძოლები ილოვაისკ-ზუგრესის მიმართულებით სარეიდო ქმედებებსაც ახორციელებენ, დღის განმავლობაში ისინი საბრძოლო მოქმედებაში ჩაებნენ ლუჟკოვის, სოლნეცევოს, კარპოვო-ნადეჟდკოვკას, ავდეევკას საბოვკას შევჩენკოს რაიონებში“-განაცხადა სპიკერმა.