პოროშენკო, 26 აგვისტოს, ევროკავშირის დელეგაციასთან ერთად "ევრაზიულ სამეულს" შეხვდება

მსოფლიო - 17:38, 19 Aug, 2014

1078

უკრაინის პრეზიდენტი თანახმაა მონაწილეობა მიიღოს მინსკში 26 აგვისტოს დაგეგმილ უმაღლესი დონის შეხვედრაში ე.წ. "ევრაზიულ სამეულთან" (რუსეთი, ბელორუსი, ყაზახეთი), რომელშიც მონაწილეობას ასევე ევროკავშირის დელეგაციის წარმომადგენლებიც მიიღებენ.
პოროშენკომ ამის შესახებ თანხმობა მას შემდეგ განაცხადა, რაც ევროკომისიის პრეზიდენტ ჟოზე მანუელ ბაროზოს ტელეფონით ესაუბრა, რომელმაც უკრაინის პრეზიდენტს დაუდასტურა, რომ უმაღლეს დონის შეხვედრაში ევროკავშრის წარმომადგენლებიცაა მიწვეული.

შეხვედრაზე, რომელშიც პეტრე პოროშენკო, ვლადიმერ პუტინი, ალექსანდრე ლუკაშნკო და ნურსულტან ნაზარბაევი მიიღებენ მონაწილეობას, დაესწრებიან საგარეოპოლიტიკურ საკითხებში ევროკავშირის უმაღლესი წარმომადგენელი კეტრინ ეშტონი, ვიცე პრეზიდენტი ენერგეტიკის საკითხებში გიუნტერ ეტინგერი და ევროკომისარი სავაჭრო-ეკონომიკურ საკითხებში კარლ დე გიუხტი დაესწრებიან.
ამასთან, პოროშენკომ ბაროზუსა და ჰერმან ვან რომპეის სახელით, მოწვევა მიიღო 30 აგვისტოს, ბრიუსელში, სადაც აღნიშნული პირები უკრაინის პრეზიდენტთან აღმოსავლეთ უკრაინაში მიმდინარე საკითხებს განიხილავენ.