ტელეკომპანია „იმედის“ საინფორმაციო დეპარტამენტის ყოფილი უფროსი ეკა წამალაშვილი სამი საათის განმავლობაში პროკურატურაში დაკითხვაზე იმყოფებოდა. ჟურნალისტი სავარაუდოდ „მოდელირებულ ქრონიკასთან“ დაკავშირებით დაიბარეს. დაკითხვაზე შესვლამდე წამალაშვილმა ჟურნალისტებისთვის კომენტარი გააკეთა:

„მწყინს, როცა ვხედავ, რომ ჩემი სამშობლო ემსგავსება პუტინის რუსეთის ფილიალს ჟურნალისტებმა არ უნდა იარონ პროკურატურაში თავიანთი საქმიანობის გამო. მადლობა იმიტომ მოვუხადე ბატონ ბიძინას, რომ ვთლი, ჩემი დაბარება არის ერთგვარი გაკვეთილზე დაბარება რიტორიკის გადაწყობის მიზნით. ბოლო დროს მქონდა გარკვეული დისკუსიები და ინფორმაციები და ჩავთავალე, რომ სწორედ ამან დააჩქარა დაინტერესება ჩემდამი“, - განაცხადა ეკა წამალაშვილმა.