სანდრო გირგვლიანის საქმეზე თბილისის საქალაქო სასამართლოში დღეს ოლეგ მელნიკოვის დაკითხვა გაგრძელდება. შინაგან საქმეთა სამინისტროს ყოფილი მაღალჩინოსანი, ოქროყანის ეპიზოდზე ჩვენებას დაასრულებს.

მელნიკოვმა რამდენიმე დღის წინ გირგვლიანის საქმის ყველა ეპიზოდში თავი დამნაშავედ სცნო. მისი განცხადებით, მაშინდელმა მაღალჩინოსნებმა, სააკაშვილმა, ადეიშვილმა და დათა ახალაიამ შეიმუშავეს გეგმა, რომელიც გირგვლიანის მკვლელობით საზოგადოებაში არსებული პროტესტის ჩახშობას ითვალისწინებდა.

ამ გეგმის მთავარი ნაწილი იყო შინაგან საქმეთა სამინისტროს ოთხი თანამშრომლის დროებით დაკავება.