ევროკავშირი შეშფოთებას გამოთქვამს რუსეთის მიერ ევროპის ქვეყნებისთვის დაკისრებულ სანქციებთან დაკავშირებით და ელის, რომ მესამე ქვეყნები თავს შეიკავებენ მიმდინარე მოვლენების საკუთარი სავაჭრო ურთიერთობის განვითარების გამოყენებისგან.

განცხადება ამის შესახებ ბრიუსელში ევროკავშირის საგარეო საქმეთა მინისტრების შეხვედრის შემდეგ გაკეთდა.

განცხადებაში ევროკავშირის ქვეყნები იმედს გამოთქვამენ, რომ მესამე ქვეყნები საერთაშორისო საზოგადოების ერთიანობის დასტურად და საერთაშორისო სამართლის დაცვის მიზნით უარს იტყვიან რუსეთთან სავაჭრო კუთხით მიცემული შესაძლებლობის გამოყენებაზე.

ევროკავშირი აცხადებს, რომ ყველა სანქცია, რომელიც კრემლს დაუწესდა, ძალაში რჩება და კიდევ ერთხელ ახსენებს საერთაშორისო საზოგადოებას, რომ შეზღუდვების დაწესების მიზეზი, უკრაინასთან მიმართებაში საერთაშორისო სამართლის ნორმების დარღვევა გახდა.

„რუსეთმა უნდა ითანამშრომლოს საერთაშორისო საზოგადოებასთან იმისთვის, რომ უკრაინაში კრიზისი დასრულდეს, რომ დამტკიცდეს უკრაინის ტერიტორიული მთლიანობა და უკრაინელ ხალხს ჰქონდეს მომავალი საკუთარ ქვეყანაში“, - განაცხადა ქეთრინ ეშტონმა.