რუსეთის თავდაცვის მინისტრმა სერგეი შოიგუმ პენტაგონის თავმჯდომარესთან ჩაკ ჰეიგელთან სატელეფონო საუბრისას „უკრაინის არმიის მხრიდან მშვიდობიანი მოქალაქეების მიმართულებით სროლების შეწყვეტა მოითხოვა“. ასევე აღნიშნა, რომ აუცილებელია ცეცხლი შეწყდეს კონფლიქტურ ზონებში ჰუმანიტარული დახმარების შესატანად.

„რუსეთის თავდაცვის მინისტრმა განაცხადა, რომ აუცილებელია დაუყოვნებლივ შეწყდეს ცეცხლი მშვიდობიანი მოქალაქეების წინააღმდეგ“, - ნათქვამია რუსეთის საგარეო საქმეთა სამინისტროს მიერ გავრცელებულ განცხადებაში.

ამასთანავე, როგორც განცხადებაშია ნათქვამი, შოიგუმ პენტაგონი ჰუმანიტარული მისიის მსვლელობის საქმის კურსში ჩააყენა.

შეგახსენებთ, რომ გუშინ ინტერნეტსივრცეში გავრცელდა ვიდეომასალა, სადაც ნათლად ჩანს „თეთრი ფოსფორით“ დაბომბვის კადრები, რუსული მხარე ამ ყოველივეს უკრაინის არმიას უკავშირებს, „ატო“ კი აცხადებს, რომ ეს ქმედება რუსეთის პროვოკაციის ნაწილია და უკრაინის არმიას მსგავსი შეიარაღება არ გააჩნია.

ანანო კვაჭანტირაძე