რუსეთის ფედერაციის პრეზიდენტმა ვლადიმერ პუტინმა გერმანიის კანცლერთან ანგელა მერკელთან სატელეფონო საუბრისას განიხილა უკრაინაში მიმდინარე მოვლენები და არსებული სიტუაცია. ამის შესახებ ინფორმაციას კრემლის პრესსამსახური ავრცელებს.

პუტინმა შეშფოთება გამოხატა „უკრაინაში ჰუმანიტარული კატასტროფის გაღრმავების გამო“, ასევე უამბო მერკელს ჰუმანიტარული მისიის შესრულების შესახებ.

თავის მხრივ მერკელმა მოუწოდა პუტინს საკუთარი წვლილი შეიტანოს უკრაინის დეესკალაციის საქმეში და წერტილი დაუსვას ტერორისტების იარაღით მომარაგებას.

ამ დროისათვის რუსეთ-უკრაინის საზღვართან 280 სატვრითო ავტომობილი იმყოფება, რომლებიც ჰუმანიტარული ტვირთით არის დატვირთული.

ანანო კვაჭანტირაძე