ყინულის გლობალური დნობა ჯერკიდევ მეცხრამეტე საუკუნეში დაიწყო, მაგრამ უკანასკნელი 20 წლის განმავლობაში მასზე განსაკუთრებულ ზეგავლენას კაცობრიობის ქმედებები ახდენს. ამის შესახებ ინფორმაციას ავსტრალიელი მეცნიერები ავრცელებენ. კვლევა აღნიშნულ თემაზე ჟურნალ Science-ში გამოქვეყნდა.

ინსბრუკსკის უნივერსიტეტის გეოფიზიკოსებმა შექმნეს საკუთარი მოდელი ყინულის საფარის ცვალებადობასთან დაკავშირებით 1851 წლიდან 2010 წლამდე Randolph Glacier Inventory-ზე დაყრდნობით, სადაც მთელი დედამიწის ყინულის საფარია დარეგისტრირებული. მეცნიერებმა დაკვირვებიდან ანტარქტიკის აიზბერგები გამორიცხეს.

უკუთვლის მეთოდით დაკვირვების შედეგად, მკვლევარებმა დაადგინეს, რომ მათ გლობალურ დნობაზე ორი ფაქტორი განსაკუთრებით დიდ როლს ასრულებს: ბუნებრივი (დნობა მზის აქტივობის, ვულკანების მოქმედების შედეგად) და ანთროპოგენური (ადამიანის ზეგავლენის შედეგად მომხდარი ცვლილებები)

1991 წლიდან დღემდე ადამიანის ზემოქმედების შედეგად მომხდარი ცვლილებები განსაკუთრებით მასშტაბური ხდება: ყინულის დნობის ორი მესამედი ადამიანის მოქმედების შედეგად არის გამოწვეული.

დღეისათვის ზღვის დონის მატების კატასტროფული მონაცემები ფიქსირდება. მიუხედავად სავალალო მონაცემებისა, მეცნიერები ირწმუნებიან, რომ ყინულის სრულ დნობას ასწლეულები დასჭირდება.

ანანო კვაჭანტირაძე