საპარლამენტო უმცირესობის წევრი კახა ბუცხრიკიძე მთავარ პროკურატურაში დაკითხვაზე იმყოფება. ბუცხრიკიძის თქმით, ის უწყებაში მოწმის სტატუსით არის დაბარებული.

„გუშინ მომივიდა უწყება, რომ დაბარებული ვიყავი დაკითხვაზე. რამდენიმე დღის წინ ყველა კითხვას გავეცი პასუხი, მაგრამ ალბათ არ მოეწონათ ჩემი პასუხები და დამატებით დამიბარეს. საქმე ეხება 2006 წლის პერიოდს, როდესაც მე ვმუშაობდი სასჯელაღსრულების დეპარტამენტში თავმჯდომარის მოადგილედ. რუსთავის #1 დაწესებულებიდან მე-7 დაწესებულებაში გადაყვანილთან დაკავშირებით ჰქონდათ კითხვები. თითქოს გადაყვანის დროს განხორციელდა ფიზიკური ზეწოლა, მსგავს ფაქტს ადგილი არ ჰქონია“, - განაცხადა ბუცხრიკიძემ.

კახა ბუცხრიკიძე პროკურატურაში ადვოკატ მალხაზ ველიჯანაშვილთან ერთად მივიდა.

ნინი კაციტაძე