შვეიცარიის ფედერალურმა საბჭომ რუსეთის წინააღმდეგ სანქციების გაძლიერების შესახებ განაცხადა. ამის შესახებ ინფორმაციას შვეიცარიის მთავრობის პრესსამსახური ავრცელებს. შვეიცარიამ გაახანგრძლივა აკრძალვა უკრაინასა და რუსეთში ორმაგი დანიშნულების პროდუქციის შესვლის შესახებ, ამით მან დაადასტურა საკუთარი ნეიტრალიტეტი.

შვეიცარია, ფედერალური საბჭოს გადაწყვეტილებით, ევროკავშირის სანქციებს რუსეთის წინააღმდეგ თვალყურს ადევნებს და არ დაუშვებს საკუთარი ტერიტორია გამოყენებული იყოს კონტრაბანდისთვის, დაწესებული სანქციების ფონზე.

შვეიცარია შეშფოთებას გამოთქვამს უკრაინის ტერიტორიაზე მიმდინარე ძალადობისა და ქვეყნის ესკალაციის გამო და კიდევ ერთხელ აცხადებს, რომ ყირიმის რეფერენდუმს არაკანონიერად მიიჩნევს. ამასთანავე, შვეიცარია მოითხოვს უკრაინასა და რუსეთის ფედერაციას შორის არსებული კრიზისის მოგვარების მშვიდობიანი გზა მოიძებნოს.