ფინანსთა ყოფილი მინისტრის, ალექსანდრე ხეთაგურის ადვოკატმა დავით ხაჟალიამ კომენტარი გააკეთა, მისი თქმით ეს თანხები, რომელიც საქმეში ფიგურირებს დაბეგრილი იყო საგადასახადო კოდექსის შესაბამისად. ამით ბიუჯეტს არანაირი ზარალი არ მიუღია.

,,ჩვენ მივიჩნევთ, რომ ბრალის წარდგენის არგუმენტები მხოლოდ ვარაუდებს ეფუძნება. არ არის მტკიცებულებები, რომ ეს იყო ქრთამის აღების მიზნით გარიგება’’ - განმარტა ხაჟალიამ.

ადვოკატის ვარაუდით, პროკურატურა აღმკვეთი ღონისძიების სახით პატიმრობას მოითხოვს და აცხადებს, რომ ჩვენ დამალვას არ ვაპირებთ და არც ერთ კითხვას არ გავურბივართ. ჩვენი პოზიცია იქნება, რომ აღმკვეთი ღონისძიება საერთოდ არ უნდა იყოს გამოყენებული.

,,ბრალდებული თავს დამნაშავედ არ ცნობს და არც დამალვია გამოძიებას. თუ სასამართლო მიიჩნევს, რომ აღმკვეთი ღონისძიება უნდა გამოიყენოს, ალტერნატივად გირაოს შევთავაზებთ’’, - აღნიშნა ხაჟალიამ.

მისივე თქმით, შეთავაზებული გირაოს ოდენობა შესაძლოა, 20 000 ლარით განისაზღვროს.