როგორც "წითელი ჯვრის საერთაშორისო კომიტეტის" წარმომადგენელმა ანდრე ლორშმა განაცხადა, მისმა ორგანიზაციამ რუსეთის საგარეო საქმეთა სამინისტროსგან მიიღო ინფორმაცია, თუ რა სხის ტვირთი მოდის რუსეთიდან აღმოსავლეთ უკრაინაში.

მან ასევე განაცხადა, რომ ტვირთი, როგორც რუსეთის მხარე აცხადებს, უკრაინის საზღვარს რუსეთის - ბელგოროდისა და უკრაინის - ხარკოვის ოლქების ტერიტორიებთან არსებულ "შებეკინო-პლეტნიოოვკის" სასაზღვრო პუნქტთან გადაკვეთავს, თუმცა, როდის მოხდება ეს, ჯერ უცნობია, რადგან საქმე გვაქვს უზარმაზარ ავტოკოლონასთან. ასევე მოლაპარაკების სტადიაშია, მოხდება თუ არა ტვირთის სხვა ავტოკოლონებში გადატვირთვა, თუმცა მიუხედავად ყველაფრისა, უკრაინის ტერიტორიაზე, სპეციალური შემოწმების შემდეგ ტვირთი "წითელი ჯვრის" ეგიდით გაივლის.

"წითელი ჯვრის" ხელთ არსებული ინფორმაციით, ავტოკოლონაში შედის 262 ავტომობილი, რომელშიც 1810 ტონა ტვირთია მოთავსებული. მათ შორის:

• საველე ელექტროსადგურები - 69 ერთეული;
• სხვადასხვა ბურღულეული - 400 ტონა;
• ხორცის კონსერვები - 340 ტონა
• მარილი - 30 ტონა
• შაქარი - 100 ტონა
• რძის კონსერვები - 60 ტონა
• ჩაი - 62 ტონა
• წყალი - 679 ტონა
• ბავშვთა კვება - 62,5 ტონა
• მედიკამენტები და სხვა სამედიცინო ნივთები - 54 ტონა;
• საძოლე ტომრები 12400 ცალი.