უახლოეს მომავალში ბელორუსში შესაძლებელი იქნება ლურჯი კარტოფილის შეძენა.

გავრცელებული ინფორმაციის თანახმად, მეცნიერებმა აღნიშნულ შედეგს მრავალწლიანი სელექციური პროგრამის შედეგად მიაღწიეს.

„უახლოეს მომავალში გამოჩნდება კარტოფილი ლურჯი, ვარდისფერი და იასამნისფერი შეფერილობით. ამასთანავე, იგი საკმაოდ მაღალხარისხიანი პროდუქტი იქნება“, - აცხადებენ მეცნიერები.

სელექციური პროგრამა 9 წლის განმავლობაში გრძელდებოდა. დღეისათვის კი კარტოფილის ახალი ჯიში შესაბამის ტესტირებებს გადის.

მეცნიერები იმედოვნებენ, რომ ახალი ჯიშის ბოსტნეულის გამოყენება შესაძლებელი იქნება კარტოფილი „ფრისა“ და „ჩიფსების“ დასამზადებლად.

ანანო კვაჭანტირაძე