“ჰამასს” მთლიანად უნდა ჩამოერთვას ან გაუნადგურდეს სამხედრო შესაძლებლობები“, - ამის შესახებ ისრაელის ელჩმა საქართველოში იუვალ ფუქსმა განაცხადა. მისი თქმით, ისრაელი არ დაჯდება მოლაპარაკების მაგიდასთან, სანამ “ჰამასი” და ღაზას სექტორში მოქმედი სხვა ტერორისტული დაჯგუფებები ისრაელის ქალაქებსა და მოქალაქეებს ცეცხლს უშენენ.

“მათ არ უნდათ მშვიდობა, მათი ერთადერთი მიზანია, ისრაელის განადგურება და ისრაელის მოქალაქეების დახოცვა. ამ კოშმარში ისრაელი უკვე ათი წელია, ცხოვრობს. მაჩვენეთ ერთი მთავრობა მაინც მთელ მსოფლიოში, რომელიც ასეთ ზეწოლას არ უპასუხებდა და საკუთარი მოქალაქეების დაცვაზე არ იზრუნებდა. ბერკეტი კი საერთაშორისო საზოგადოების წნეხია – ღაზას სექტორის დემილიტარიზაცია, ჰამასს მთლიანად უნდა ჩამოერთვას ან გაუნადგურდეს სამხედრო შესაძლებლობები. საქართველო საერთაშორისო საზოგადოების ნაწილია და ისიც იგივეს უნდა აკეთებდეს, რაც ხდება კიდეც”, - განაცხადა ელჩმა.