ნატო-ს გენერალური მდივნი ანდერს ფოგ რასმუსენი რუსეთის ჯარების შეჭრას უკრაინაში შესაძლებლად მიიჩნევს. ამის შესახებ რასმუსენმა "როიტერთან“ საუბრისას განაცხადა.

მისი თქმით, ის ვერ ხედავს ვერანაირ ნიშანს, რომ უკრაინის საზღვრიდან რუსეთს ჯარები გაჰყავდეს.

„ჩვენ ვხედავთ, რომ რუსები ავითარებენ საბაბს, რომ ასეთი ოპერაცია ჰუმანიტარული მისიის საფარქვეშ განახორციელონ. ჩვენ ვხედავთ, სამხედრო ძალების კონცენტრაციას უკრაინის საზღვართან, რაც შეიძლება გამოყენებულ იქნას უკანონო სამხედრო ოპერაციებისთვის“, - განაცხადა რასმუსენმა.

უკრაინის ეროვნული უშიშროების საბჭოს საინფორმაციო ცენტრის ხელმძღვანელის ანდრეი ლისენკოს თქმთი, რუსეთი უკრაინის საზღვართან სამხედრო ძალების რაოდენობას ზრდის.