ებოლას ვირუსით გარდაცვლილთა რაოდენობამ 1013 ადამიანი შეადგინა. ამის შესახებ ინფორმაციას მსოფლიოს ჯანდაცვის ორგანიზაცია ავრცელებს. მომაკვდინებელი ვირუსით დაავადებულთა სრული რაოდენობა 1848-ს შეადგენს.

უკანასკნელი სამი დღის განმავლობაში დარეგისტრირდა 69 ახალი შემთხვევა, 52 პაციენტი კი გარდაიცვალა.

ეპიდემიის აფეთქების ეპიცენტრი გვინეა გახლავთ. გვინეაში 373 ადამიანი გარდაიცვალა. ლიბერიაში გარდაცვლილთა რაოდენობამ 323 შეადგინა, სიერა-ლეონეში კი 315 პაციენტი გარდაიცვალა.

რუმინეთში ერთი პირი ბუქარესტის სამედიცინო დაწესებულებაში ებოლას ვირუსის სიმპტოემებით მოათავსეს, თუმცა, მას მალარეა დაუდგინდა.

ანანო კვაჭანტირაძე