ბელორუსის პრეზიდენტმა ალექსანდრ ლუკაშევიჩმა უარი განაცხადა რუსეთის მხარდაჭერაზე, აიკრძალოს იმპორტი იმ ქვეყნებიდან, როლებმაც რუსეთის ფედერაციის წინააღმდეგ სანქციებს მხარი დაუჭირეს. ამის შესახებ ინფორმაციას რუსული მედია ავრცელებს.

„ჩვენ პოლონეთის ვაშლი გვჭირდება - ვყიდულობთ, მაგრამ არა რუსეთისთვის, არამედ შიდა ბაზრისთვის. გვჭირდება გერმანული დელიკატესები , ასევე შიდამოხმარებისთვის. გვჭირდება რაღაც გადასამუშავებლად, ვყიდულობთ და ვამუშავებთ“, - განაცხადა ლუკაშენკომ.

საიმპორტო პროდუქცია ბელორუსის გავლით რუსეთის ფედერაციაში ვერ შევა, დასძინა პრეზიდენტმა.

სავაჭრო კავშირის წევრი და რუსეთის პარტნიორი, ყაზახეთი, იმავე პოზიციაზეა. ქვეყნის პრეზიდენტის ნურსულთან ნაზარბაევის პრესსამსახურის მიერ გავრცელებული ინფორმაციის თანახმად, ნაზარბაევსა და ვლადიმერ პუტინს შორის სატელეფონო საუბარი გაიმართა. საუბრის შემდეგ პრეზიდენტმა განაცხადა: „ეს რუსეთის ერთპიროვნული გადაწყვეტილებაა, იგი არ გულისხმობს სხვა ქვეყნების გარდაუვალ ჩარევას - თუნდაც სავაჭრო კავშირისა და საერთო სავაჭრო სივრცის წევრი ქვეყნების“.

შეგახსენებთ, რომ 8 აგვისტოს ბელორუსსა და უკრაინას შორის მიღწეულ იქნა შეთანხმება, რომლის მიხედვითაც არსებული აკრძალვები ვაჭრობაზე გაუქმდა.

ანანო კვაჭანტირაძე