ცნობილი ხდება ეროსი კიწმარიშვილის გარდაცვალებასთან დაკავშირებული ახალი დეტალები

სამართალი - 15:13, 10 Aug, 2014

18886

ეროსი კიწმარიშვილის ძმა ახალ დეტალებზე გამოძიების ინტერესებიდან გამომდინარე არ საუბრობს, თუმცა ზურა კიწმარიშვილის თქმით, საკმაოდ ყურადსაღები დეტალებია შემთხვევის ადგილას აღმოჩენილი. გამოძიებაში ჩართული ექსპერტები საუბრობენ, რომ საერთო სურათისთვის საკმაოდ საინტერესო მტკიცებულებები და დეტალებია აღმოჩენილი. ისინი იმედს გამოთქვამენ, რომ აღნიშნული გარემოებები აუცილებლად დაეხმარება გამოძიებას.

,,რამდენიმე საყურადღებო დეტალი შემთხვევის ადგილზე მაინც აღმოჩნდა. ამ დეტალებზე ვერ ვისაუბრებ. მგონია, რომ მნიშვნელოვანი გარემოებებია აღმოჩენილი. იმის მიხედვით, თუ რა პასუხები იქნება გამოძიებიდან, ამის შემდეგ დავაფიქსირებთ ჩვენს პოზიციას“, - განაცხადა ,,რუსთავი 2“-თან ზურა კიწმარიშვილმა.

,,თითქმის სამი კვირა პროცესები იყო აბსოლუტურად გაყინული, ჩვენ გვინდოდა შემთხვევის ადგილის დათვალიერებ, ვნახეთ გარემო და იყო ადგილები, სადაც გვინდოდა გარკვეული ტექნიკური საშუალებებით დათვალიერების ჩატარება. საერთო სურათისთვის ეს მნიშვნელოვანი იყო და კარგია, რომ ეს ტექნიკურად გამართულად ჩატარდა. ფაქტიურად პროკურტატურამ ჩაატარა დამატებითი დათვალიერება ჩვენი მონაწილეობით. დეტალებზე დღეს უბრალოდ საუბარი არ შეიძლება“, - განაცხადა მაია ნიკოლეიშვილმა ,,რუსთავი 2"-თან.