გუშინ ოკუპირებული ცხინვალის ე.წ. სასამართლომ გორის რაიონიდან ოკუპანტების მიერ გატაცებული ორი ქართველი 21 წლის ზაქრო ბუთხუზი და 30 წლის პაატა არაქელოვი გაასამართლა. დე-ფაქტო სასამაღთლომ ადმინისტრაციული ჯარიმა 2000-2000 რუბლი დააკისრა, რომელიც გატაცებული ოჯახის წევრებმა ცხინვალს უკვე გაუგზავნეს.

ბუთხუზი და არაქელოვი უკვე მერვე დღეა ცხინვალის წინასწარი დაკავების იზოლატორში იმყოფებიან. ისინი საოკუპაციო რეჟიმის წარმომადგენლებმა ქვეშიდან ქართული ხმარის კონტროლირებადი ტერიტორიიდან გაიტაცეს. ქვეშში ადგილობრივები „ნიუპოსტთან“ საუბარში ამბობენ, რომ საქართველოს მოქალაქეებს პირობითი საზღვარი არ დაურღვევიათ და ოკუპანტები ქართული მხარის კონკტროლირებად ტერიტორიაზე თავადვე შემოიჭრნენ.

ზაქრო ბუთხუზს „ნიუპოსტის“ ინფორმაციით, დღეს ან ხვალ ერგნეთის მხრიდან გაათავისუფლებენ. რაც შეეხება არაქელოვს, რომელიც სეპარატისტების ტყვეობაში უკვე მეორედ იმყოფება , მისი გათავისუფლების შესახებ ზუსტი ინფორმაცია ცნობილი არ არის.

გიორგი ახალკაცი, "ნიუპოსტი", გორი