საინფორმაციო სააგენტო ,,ნიუპოსტი“ სრულ სოლიდარობას უცხადებს სამაუწყებლო კომპანია ,,რუსთავი 2’’-ს და მიიჩნევს, რომ მისი ხელმძღვანელის, ნიკა გვარამიას დაკავება, რომლის ბრალეულობის საკითხი რაიმე ქმედებასთან მიმართებაში მხოლოდ სასამართლოს გადასაწყვეტია, ბევრ კითხვის ნიშანს აჩენს.

საზოგადოებაში გაჩენილი განწყობები და საერთაშორისო ექსპერტებისა თუ დიპლომატების დამოკიდებულება, ერთ-ერთი ყველაზე რეიტინგული დამოუკიდებელი ტელეკომპანიის ხელმძღვანელის დაპატიმრებასთან დაკავშირებით, ნათლად უჩვენებს, რომ ხელისუფლება, რომელსაც აქვს ამბიცია, გააკვირვოს ევროპა თავისი დემოკრატიულობით, ვერ გათავისუფლდება თავისუფალი მედიის წინაშე პასუხისმგებლობისგან.

ცხადია, შორს ვართ იმ აზრისგან, რომ თუკი არსებობს დანაშაული, ის დაუსჯელი უნდა დარჩეს, მაგრამ როცა საქმე ეხება ტელეკომპანიის ხელმძღვანელის დაკავებას, ასეთ დროს ხელისუფლება მეტ სიფრთხილეს უნდა იჩენდეს ქვეყანაში თავისუფალ მედიასთან მიმართებაში.

სააგენტო ,,ნიუპოსტი“