Der Spiegel - რუსები კრემლის შექმნილ "მოგონილ სამყაროში" ცხოვრობენ

მსოფლიო - 19:42, 05 Aug, 2014

1684

რუსები კრემლის შექმნილ მოგონილ სამყაროში ცხოვრობენ და უაპელაციოდ სჯერათ ყველაფრის, რასაც მათ ტელევიზია ეუბნება, მათ შორის უკრაინის შესახებაც, - წერს გერმანული ჟურნალი Der Spiegel.

ჟურნალი წერს, რომ რუსეთის მოსახლეობის უმრავლესობას სჯერა, რომ უკრაინაში ხალხს ხოცავენ თუ ისინი რუსულად ლაპარაკობენ და ამერიკის ცენტრალური სადაზვერვო სამსახური უკრაინის მოსახლეობას სასმელ წყალში ხიმიკატებს ურევს, რომ მათ ცნობიერება შეუცვალოს.

სტატიაში ნათქვამია, რომ რამოდენიმე ხნის წინ პუტინმა სამხედრო-სამრეწველო კომპლექსთან შეხვედრაზე განაცხადა, რომ რუსეთი სანქციების მიუხედავად თავად შესძლებს საკუთარი იარაძის წარმოებას. ეს სიცრუეა - რუსული საკონტინენტთაშორისო რაკეტა "სატანა" ერთი მესამედით უკრაინაში წარმოებული ნაწილებითაა აწყობილი, რუსეთის ვერტმფრენებისა და სამხედრო-სატრანსპორტო თვითმფრინავი АН-124-ის ძრავებს უკრაინული ქარხნები აწარმოებენ და მანქანა-დანადგარების 90%, რომელთა მეშვეობითაც რუსული ქარხნები პროდუქციას ქმნიან დასავლური წარმოებისაა.

რუსეთმა აკრძალა ავტობუსების, ტროლეიბუსების, ავტომანქანების იმპორტი დასავლეთიდან, მისი სანიტარული სამსახური კრძალავს სხვადასხვა სახის პროდუქტის, ხილის, რძის და ა.შ. შემოტანას ევტროპიდან. თუმცა... მაგალითად, რუსეთში წარმოებულ ვაშლს ქვეყნის მოთხოვნილების მხოლოდ ერთი მეოთხედის დაკმაყოფილება შეუძლია. მიუხედავად ამისა, კრემლის პროპაგანდის შედეგად, რუსეთის მოსახლეობას სჯერა, რომ სანქციები პირიქით, რუსეთის ეკონომიკის განვითარებას შეუწყობს ხელს.

"კრემლმა თავისი პროპაგანდა ააწყო ისე, რომ ნოსახლეობისათვის მისი რეჟიმის მხარდაჭერა ერთადერთი სწორი გზაა, რუსეთის მოსახლეობა ვერ ხედავს კრიტიკული აზროვნების აუცილებლობას," - წერს რუსეთის მედიაკვლევების ინსტიტუტის დირექტორი ალექსეი მოროზოვი. მეორე რუსი კრიტიკოსი წერს, რომ რუსული მედია არც კი ცდილობს შეცვალოს და შეასწოროს ფაქტები, ის უბრალოდ ტყუის.

სტატიის ბოლოს Der Spiegel-ს ევროკომისარ შტეფან ფულეს სიტყვები მოჰყავს - "რუსული პროპაგანდა გაცილებით უფრო აგრესიული გახდა, ვიდრე ის "ცივი ომის" დროს იყო".