ამის შესახებ დონაძემ ტელეკომპანია ,,რუსთავის 2"-ის ეთერში განაცხადა. მას უწყება უკვე მიუვიდა.

,,მე არ ვემალები და არც ვაპირებ გამოძიებას დავემალო. ნებისმიერ დროს მზად ვარ, პასუხი გავცე ნებისმიერ კითხვას, რომელიც ჩემს წინაშე გაჩნდება. მაგრამ ვინაიდან მე ამ დროისთვის სასწავლებლად ვიმყოფები უცხოეთში და გადახდილი მაქვს გარკვეული თანხა, სწავლის მიტოვების შემთხვევაში კი მიუქმდება კურსები, ამიტომ როცა საცხოვრებელ მისამართზე პროკურატურიდან მომივიდა პირველივე უწყება, ჩემი პირადი ტელეფონით დავუკავშირდი საქმის გამომძიებელს და ვაცნობე არსებული სიტუაცია. იქვე ვუთხარი, რომ თუ ჩემი დაკითხვა წარმოადგენს გადაუდებელ აუცილებლობას, იმისათვის, რომ გამოძიებას არ შეეშალოს ხელი, მზად ვარ, თქვენ ნებისმიერ კითხვას ვუპასუხო სკაიპით, მოწმეების, ნოტარიუსისა და ჩემი უცხოელი ადვოკატების თანდასწრებით, რასაც მტკიცებულების ძალა გააჩნია, თუმცა მიუხედავად შეთავაზებისა, გამოძიების მხრიდან ამ დრომდე არავინ გამომხმაურებია", - განაცხადა დონაძემ და დასძინა, რომ თუ გამოძიება ობიექტურად ჩატარდება, მაშინ საზოგადოება ბევრი ადამიანის უდანაშაულობაში დარწმუნდება. იმ შემთხვევაში თუ ობიექტური და სამართლიანი გამოძიება იქნება, მხოლოდ ამ შემთხვევაში საზოგადოება ერთხელ და სამუდამოდ გაიგებს სიმართლეს და ყველა დარწმუნდება ჩემი და კიდევ ბევრი ადამიანის უდანაშაულობაში", - აღნიშნა დონაძემ.