მიხეილ სააკაშვილისა და სხვა მაღალჩინოსნებისთვის წინასწარი პატიმრობის შეფარდებას დაცვის მხარე სააპელაციო სასამართლოში გაასაჩივრებს. უფლებადამცველები სასამართლოს გადაწყვეტილებას უსაფძვლოს უწოდებენ.

მიხეილ სააკაშვილის ადვოკატი აცხადესბს, რომ საქმე შეკერილია. ბრალდების მხარე კი აცხადებს, რომ სასამართლომ დასაბუთებული გადაწყვეტილება მიიღო.

„ბრალის გამოტანის დროს საქმეში მტკიცებულებები საერთოდ არ იყო და შემდგომ დაიწყეს ამ საქმის შეკერვა. ეს არის ძალიან თვალნათელი, სამწუხაროდ პროკურატურა, როგორც ინსტრუმენტი გამოიყენება პოლიტიკური დევნისთვის და ამ ინსტრუმენტს მხარს უჭერს ძირითად შემთხვევებში სასამართლო ხელისუფლებაც, ვინაიდან ისინიც პოლიტიკური ზეწოლის ქვეშ არიან. ჩვენ განვაგრძობთ ჩვენი დაცვის ქვეშ მყოფების ინტერესების დაცვას ყველა ინსტანციაში“, - განაცხადა ოთარ კახიძემ.

ანო თორელი