საქმეზე, რომელზეც მიხეილ სააკაშვილს და სხვა მაღალჩინოსნებს ბრალი წაუყენეს, ჩვენება გამოძიებას კახა კუკავამ მისცა. „თავისუფალი საქართველოს“ ლიდერმა მთავარი პროკურატურის შენობა ერთი საათის წინ დატოვა.

დაკითხვიდან გამოსვლის შემდეგ, კუკავამ ჟურნალისტებისთვის კომენტარი გააკეთა:

„7 ნოემბრის მიმდინარეობასთან დაკავშირებით იყო ზოგადად შეკითხვა, როგორც დილით, ასევე დღისით, ღამით კი „იმედში“, დარბევასთან დაკავშირებით. იყო კითხვები, როგორც მთლიანად აქციის მიმდინარეობაზე, ასევე ჩვენ რა ფიზიკური თუ მორალური ზიანი მოგვადგა, მათ დეტალები აინტერესებდათ, დაკითხვის შემდეგ მცნეს დაზარალებულად და ალბათ იმას ნიშნავს, რომ გვეკუთვნის რაღაც ზარალის ანაზღაურება“, - განაცხადა კახა კუკავამ.