რუსული ელიტა პანიკაშია და ქვეყნის მასობრივად დატოვებას აპირებს

მსოფლიო - 20:47, 30 Jul, 2014

8365

მიუხედავად იმისა, რომ ყირიმის ანექსიის გამო ვლადიმერ პუტინს მოსახლეობაში საკმაოდ პოპულარულია, ქვეყნის ელიტა საწინააღმდეგოს ფიქრობს - მათ უმრავლესობას სურს გაეცალოს რუსეთს და რაც შეიძლება სწრაფად, - აღნიშნულია Die Welt-ის სტატიაში "რუსული ელიტა ქვეყანას მასობრივად ტოვებს".

სტატიიაში აღნიშნულია, რომ მდიდარი ადამიანები ქირაობენ გენეოლოგიის სპეციალისტებს, რათა მათ "საგვარეულო ხეზე" იპოვონ უცხოური ფესვები და სწრაფად მიიღონ სხვა ქვეყნის მოქალაქეობა.

"ეს ის ხალხია, რომელთაც რუსეთში ძალიან დიდი ფული იშოვეს და მისი დაკარგვის ეშინიათ," წერს გენეოლოგი ვლადიმერ პაპეი ბიზნეს პორტალ "Business Insider"-ში.

"რუსეთში უფრო და უფრო მეტი ხალხი არ ეთანხმება პუტინის კურსს, განსაკუთრებით უმცირესობები. მე არ ვიზიარებ მოსახლეობის 90 პროცენტის აზრს," - აცხადებს ტატიანა კონკოვა, ლიტერატურის მასწავლებელი და მომღერალი.

"მე ამ ქვეყანაში თავს უცხოელად ვგრძნობ და რატომ არ წავიდე?" - აცხადებს იგი, აპირებს რა გაყიდოს სახლი მოსკოვში და თავის შვიდი წლის ვაჟიშვილთამ ერთად საქართველოში ემიგრირება სურს.

ემიგრაციის მაჩვენებლის ზრდა

რუსეთის სტატისტიკის სამსახურის ოფიციალური მონაცემებით, შარშან რუსეთი 186 000-ზე მეტმა ადამიანმა დატოვა, 2012 - 12300-მდე, 2011 - 36 000, ხოლო 2010-ში 34 000.

მიუხედავად ამ ციფრებისა, ექსპერტები თვლიან, რომ დაურეგისტრირებელ ემიგრანტთა რიცხვი გაცილებით მეტია. მიგრაციის იფიციალური მონაცემები ძალიან დაბალია, თვლის რუსეთის სოციოლოგიის სამეცნიერო ინსტიტუტის დირექტორი, მიხეილ გორშკოვი.

ეკონომიკურ ელიტაში პანიკაა. ერთი კვირის წინ ცნობილი გახდა, რომ რუსი მილიარდელები აბსოლუტურ პანიკაში არიან. მათთვის ცხადია, რომ პრეზიდენტ პუტინის უკრაინული პოლიტიკის გამო ქვეყანა მსოფლიო იზოლაციისაკენ მიექანება, რაც ეკონომიკის კრახს გამოიწვევს.

ახალი სანქციების მუქარა

დასკვნის სახით სტატიაში მოყვანილია რუსეთის პოლიტექნოლოგიების კვლევის ცენტრის თანამშრომლის, იგორ ბუნინის სიტყვები - "შურისძიებისა და ანგარიშსწორების შიშით ცოტა ვინმე თუ გაბედავს ღიად გააკრიტიკოს პუტინის პოლიტიკა, მაგრამ საქმიანი ელიტა პანიკაშია", - აცხადებს იგი.