სააკაშვილის საქმეზე ჩვენება ირაკლი ოქრუაშვილმა და "იმედის" ყოფილმა ჟურნალისტებმა მისცეს

სამართალი - 12:00, 29 Jul, 2014

3175

საქართველოს ექს-პრეზიდენტის მიხეილ სააკაშვილის და ყოფილი მაღალჩინოსნების წინააღმდეგ ჩვენება მცხეთა-მთიანეთის ყოფილ გუბერნატორთან ვასილ მაღლაფერიძესთან ერთად ირაკლი ოქრუაშვილმაც მისცა. როგორც „ნიუპოსტს“ ყოფილი მაღალჩინოსნების ადვოკატებმა განუცხადეს, პროკურატურის მოწმეთა სიაში არიან ასევე, ტელეკომპანია „იმედის“ ჟურნალისტები - სოფო მოსიძე, ეკა სოსელია, დიანა ტრაპაიძე, თეა სიჭინავა, ლევან ჯავახიშვილი და სხვები. ჯერჯერობით ბექა ბასილიასთვის და ოთო კახიძისთვის უცნობია თუ რა წერია ჩვენებაში, რომელიც პროკურატურას ირაკლი ოქრუაშვილმა და „იმედის“ ყოფილმა ჟურნალისტებმა.

„ირაკლი ოქრუაშვილი მიხეილ სააკაშვილთან უკვე აღარ მუშაობდა და შესაბამისად, მას სააკაშვილის წინააღმდეგ ჩვენება მიცემული ვერ ექნება, რადგან ოქრუაშვილი მიხეილ სააკაშვილის მინისტრთა კაბინეტში იმ დროს უკვე აღარ იყო. ძალიან დიდი სიაა მოწმეების. მათ შორის არიან „იმედის“ ყოფილი ჟურნალისტები. ჯერჯერობით არ ვიცი რა წერია ჩვენებეში, რადგან ჯერ არ გავცნობივარ საქმის მასალებს. რაც შეეხება ბრალის დადგენილებას, მიხეილ სააკაშვილს ბრალი წაყენებული აქვს ორი მუხლით, ხოლო ადეიშვილს - ერთი მუხლით“, - განუცხადა „ნიუპოსტს“ მიხეილს სააკაშვილის უფლებების დამცველმა ოთო კახიძემ.

სააკაშვილი ბრალდებულის სახით სისხლის სამართლის პასუხისგებაში გუშინ მიეცა. საქმე ეხება 2007 წლის 7 ნოემბერს მომიტინგეთა დარბევას, ტელეკომპანია "იმედში" შეჭრას და არკადი პატარკაციშვილის ქონების დანაშაულებრივად ხელში ჩაგდებას. სააკშვილთან ერთად ბრალდებულები არიან ვანო მერაბიშვილ, დავით კეზერაშვილი და გიგი უგულავა.