ტელეკომპანია „იმედის“ და 2007 წლის 7 ნოემბრის საქმის ერთ-ერთი მთავარი მოწმე იქნება ვასილ მაღლაფერიძე, რომელიც 2007 წელს მცხეთა-მთიანეთის გუბერნატორი იყო. ამის შესახებ პროკურატურიდან გამოსულმა გიგი უგულავას და დავით კეზერაშვილის ადვოკატმა ბექა ბასილაიამ განაცხადა.

„ბევრი გარემობა ბუნდოვანია. საუბარია, რომ თითქოს ვანო მერაბიშვილმა თათბირზე რაღაც განაცხადა. მითითებული პირები, ვინც ამ თათბირში მონაწილეობდნენ, მათ შორის არიან ყოფილი გუბერნატორებიც. ერთ-ერთ მოწმედ არის მითითებული მცხეთა-მთიანეთის ყოფილი გუნერნატორი ვასილ მაღლაფერიძე“, - განაცხადა ბექა ბასილაიამ.

ექს-პრეზიდენტი მიხეილ სააკაშვილი ბრალდებულის სახით სისხლის სამართლის პასუხისგებაში გუშინ მიეცა. საქმე ეხება 2007 წლის 7 ნოემბრის აქციის მონაწილეთა მასობრივ დარბევას და ტელეკომპანია "იმედში" შეჭრას. სააკშვილთან ერთად ბრალდებულები არიან ვანო მერაბიშვილ, დავით კეზერაშვილი და გიგი უგულავა.

ნინი კაციტაძე