ბოლო პერიოდში განსაკუთრებით გააქტიურდა გერმანიაში პოლიტიკოსებისა და ბიზნესმენების მხრიდან მოწოდებები, შემცირდეს რუსული გაზის შეტანა გერმანიაში. ბუნდესტაგის მმართველი ფრაქციის ლიდერმა მიხეილ ფუქსმა პარლამენტში გამოსვლისას გააკეთა განცხადება რუსული ენერგომატარებლების გერმანიის მხრიდან შესყიდვის საწინააღმდეგოდ.

ფუქსის სიტყვებით, სწორედ ეს იქნება ყველაზე მწვავე და ქმედითი სანქცია მოსკოვის წინააღმდეგ. დეპუტატმა ხაზი გაუსვა, რომ მათ მოუწევთ მიმართონ გაზის მომარაგებისთვის სხვა წყაროებს, მათ შორის ბუნებრივი აირის მოპოვების ახალ ტექნოლოგიებს. ამერიკის შეერთებული შტატები ცოტახნით ადრე ჰპირდებოდნენ ევროპას, რომ შესაძლებელია ექსპორტის განხორციელება ევროპაში სწორედ აშშ-დან.

დეპუტატმა აღნიშნა, რომ საბოლოო ჯამში ეს ყველაფერი მიმართული უნდა იყოს რუსეთის წინააღმდეგ და გამოთქვა იმედი, რომ დადგება დრო, როცა კრემლს კვლავ დაუბრუნდება საღი აზრი.

ერთერთ მთავარ პრობლემას ამ მიმართულებით წარმოადგენდა სწორედ ის კომპანიები და ბიზნესმენები, რომლებიც დაკავშირებულნი არიან რუსული გაზის გერმანიაში შემოტანასთან, მაგრამ ბოლო დღეებში ბიზნესმენები მივიდნენ იმ აზრამდე, რომ საჭიროა უფრო მკაცრი რეაქცია პუტინის წინააღმდეგ, იმის გამო, რასაც იგი აღმოსავლეთ უკრაინაში აკეთებს, „თუ პუტინმა აირჩია ეს მიმართულება, მაშინ ჩვენ ერთი გზა არ გვაქვს“