ტერორისტების ლიდერები გაუჩინარდნენ, ბოევიკები ქიმიური ქარხნის აფეთქებით იმუქრებიან

მსოფლიო - 12:11, 28 Jul, 2014

3354

უკრაინაში მოქმედი პრორუსი ტერორისტების ლიდერები იგორ გირკინი (იგივე სტრელკოვი) და იგორ ბეზლერი (ბეს-ჭინკა) გაურკვეველი მიმართულებით გაუჩინარდნენ. უკრაინელი სამართალდამცავების ინფორმაციით, ბეზლერის გაქცევის შემდეგ, გორლლოვკაში განთავსებულ ტერორისტთა დაჯგუფებას საველე მეთაური, მეტსახელად "ბოცმანი" აკონტროლებს.
"უკრაინის არმია გორლოვკის რაიონში შეტევაზე გადავიდა. ტერორისტების პოზიციები ინტენსიური ცეცხლის ქვეშაა. ამან ქალაქში პანიკა გამოიწვია, რადგან არც ტერორისტები და არც ადგილობრივები ამისთვის მზად არ იყვნენ," - აცხადებს თადარიგის გენერალ-პოლკოვნიკი ვლადიმერ რუბანი, რომელიც ტყვეთა გაცვლის მოლაპარაკებებს აწარმოებს.
ამავე დროს, სიტუაცია გორლოვკაში მთელი უკრაინისათვის სახიფათო ხასიათს იღებს - ტერორისტები იმუქრებიან, რომ ქიმიურ ქარხანა "სტიროლ" - ს ააფეთქებენ.
"ყველაზე სახიფათო ისაა, რომ "ბოცმანი "სტიროლის" აფეთქებით იმუქრება თუ არ შეწყდება ცეცხლი. ქარხნის აფეთქების შემთხვევაში მავნე ნიოვთიერებები დასავლეთის მიმართულებით წავა, რადგან მთელი კვირის განმავლობაში იქროლებს აღმოსავლეთის ქარი. მე მზად ვარ წავიდე მათთან მოლაპარაკებებზე, თუ ამ გადაწყვეტილებას უმაღლეს დონეზე მიიღებენ," - აცხადებს გენერალი.