ამერიკის შეერთებულმა შტატებმა 2004 წლიდან 2014 წლამდე 750 ათასი ერთეული იარაღი დაკარგა ავღანეთში, თუმცა პენტაგონი ვერ ადგენს კონკრეტულ პირებსა და დაჯგუფებებს, თუ ვის ხელში ჩავარდა შეიარაღება. ამის შესახებ ავღანეთის რეკონსტრუქციის საკითხებში აშშ-ს ინსპექტორის ჯონ სოპკოს ანგარიშშია ნათქვამი.

„არსებობს ვარაუდები იმასთან დაკავშირებით, რომ იარაღი მოპარულია, დაკარგული ან არასწორად გამოყენებულია. ჩვენ შეშფოთებულნი ვართ იმით, რომ იარაღი რომელიც ამერიკის მოქალაქეების გადასახადების გადახდის შედეგად არის შეძენილი, შესაძლოა ამბოხებულების ხელში აღმოჩნდეს და გამოყენებული იყოს, ამერიკელი და ავღანელი სამხედროებისა თუ მშვიდობიანი მოქალაქეების დასახოცად“, - განაცხადა სოპკომ.

ანგარიშში აღნიშნულია, რომ მართალია ავღანელი ჯარისკაცებისა და სამართალდამცავების აღჭურვა და წვრთნა აშშ-ს პრეზიდენტის ბარაკ ობამას პოლიტიკაში ცენტრალურ ადგილს იკავებს, ქვეყანაში შეტანილი იარაღის მარაგები რეგულარულად იკარგება. ავღანეთში 465 ათასზე მეტი ცეცხლსასროლი იარაღი იქნა გაგაზავნილი, თუმცა ამ დროისათვის რამდენია სამართალდამცავებისა და ჯარის ხელში, უცნობია.

ანანო კვაჭანტირაძე