რუსმა ტერორისტებმა 60 ობოლი ბავშვი გაიტაცეს

მსოფლიო - 22:27, 26 Jul, 2014

2826

ტერორისტების ერთმა ჯგუფმა, რომლებიც თავიანთ თავს ლუგანსკის სახალხო რესპუბლიკას უწოდებენ, საღამოს საათებში სკოლა-ინტერნატიდან 60 ობოლი ბავშვი გაიტაცეს და ცდილობენ მათ გაყვანას რუსეთის ფედერაციაში.

ამის შესახებ ნათქვამია უკრაინის საგარეო საქმეთა სამინისტროს განცხადებაში.

შეტყობინებაში ნათქვამია, რომ ,,ბავშვები საჭიროებენ მუდმივ სამედიცინო მეთვალყურეობის ქვეშ ყოფნას. ყოველგვარი ნებართვის გარეშე, ორი ავტობუსით ცდილობენ ასეთი ბავშვების გაყვანას რუსეთის ტერიტორიაზე. სკოლა-ინტერნატის მთავარი ექიმი ტერორისტებს მძევლად ჰყავთ“, - ხაზგასმულია უწყების განცხადებაში.

საგარეო უწყებამ დაუყოვნებლივ მიმართა რუსეთის ფედერაციას სპეციალური ნოტით, სადაც კატეგორიულად ითხოვენ, არ დაუშვან ობოლი ბავშვების უკანონო გაყვანა რუსეთის ტეროტორიაზე. ინფორმაცია ამ დანაშაულის შესახებ დაუყოვნებლივ იქნა მიწოდებული დასავლური სახელმწიფოებისა და საერთაშორისო ორგანიზაციებისთვის.

,,მოგიწოდებთ საერთაშორისო თანამეგობრობას, გამოიყენოთ მაქსიმალური ძალისხმევა და განახორციელოთ დამატებითი ზეწოლა რუსეთის ფედერაციაზე, რათა მათ აიძულონ ტერორისტები დაუყოვნებლივი გაათავისუფლონ უკრაინელი ობოლი ბავშვები და ნუ აქცევენ მათ მძევლებად, თავიანთი ანტიუკრაინული ისტერიისა და ტერორისტული დანაშაულების განხორციელებისთვის“.

უკრაინული მედიის ცნობით, დაახლოებით 150-მდე სხვადასხვა ბავშვთა სახლების აღსაზრდელები დონეცკის ოლქში მძევლებად რჩებიან.