პუტინის მეგობრებს ორი კვირის ვადა აქვთ ლონდონის დასატოვებლად

მსოფლიო - 13:37, 26 Jul, 2014

8736

ევროკავშირმა პუტინის უახლოეს გარემოცვას, ფაქტობრივად, ორი კვირის ვადა მისცა, რომ მოსაწრონ და თავიანთი კაპიტალი გაიტანონ ევროპიდან - ევროკავშირი ახალ სიას ქმნის, იმ პირებზე, რომელსაც უახლოეს მომავალში ახალი სანქციები შეეხება. ევროკავშირის ყველა ქვეყანამ უნდა წარმოადგიონოს ამ სიის თავისი ვარიანტი.
უპირველეს ყოვლისა ეს სანქციები შეეხება ბრიტანეთში დაფუძნებულ რუს ოლიგარქებს, ე.წ. "რუსსკაია ტროიკას": რომან აბრამოვიჩს, აიშერ უსმანოვსა და მიხეილ ფრიდმანს.
პოლიტიკოსებისა და პოლიტოლოგების აზრით სწორედ ეს სამეული უზრუნველყოფს პუტინის ხელისუფლების სიმყარეს.
მათ გარდა, აუცილებლად დაზარალდებიან კრემლის კარზე დიდი გავლენის მქონე ოლიგარქები - ალექსანდრე მამუტი,ალექსეი მორდაშოვი, გერმან ხანი, ვიქტორ პიჩუგოვი, ლეონარდ ბლავატკინი, ვლადიმერ ჩერნუხინი.
"თუ დარტყმის ქვეშ აღმჩნდება ადამიანთა ის წრე, რომელიც დაახლოებულია კრემლთან და ხელისუფლებასთან, ხელისუფლება ამას აუცილებლად იგრძნობს და გაიგებს. პუტინის უახლოესი წრე და მისი კლანი კრემლში - ეს ის ხალხია, რომელიც აუცილებლად იგრძნობს ზეწოლას," - აცხადებს ბრიტანეთის საგარეო საქმეთ მინისტრი ფილიპ ჰემონდი.