„რუსეთის ფედერაციის პრეზიდენტი ვლადიმერ პუტინი მალაიზიური ავიაკომპანიის „ბოინგის“ ჩამოგდებაში დამნაშავეა“, - Reuters-ის ინფორმაციით ასეთი განცხადება თეთრი სახლის ოფიციალურმა წარმომადგენელმა ჯოშუა ერნესტმა გააკეთა.

„ჩვენ ვიცით, რომ Malaysia Airlines-ის თვითმფრინავი სამხედრო რაკეტით ჩამოაგდეს. იგი ჩამოვარდა რაიონში, რომელსაც სეპარატისტები აკონტროლებენ. სწორედ ამიტომ, ჩვენ მივედით დასკვნამდე, რომ ვლადიმერ პუტინი და რუსეთი დამნაშავეები არიან ამ ტრაგედიაში“, - განაცხადა ერნესტმა.

„ბოინგ 777“-მა უკრაინის ტერიტორიაზე კატასტროფა 17 ივლისს განიცადა. ბორტზე მყოფი 298 ადამიანიდან ვერცერთის გადარჩენა ვერ მოხერხდა. გარდაცვლილთა შორის 80 არასრლუწლოვანი იყო, ასევე ეკიპაჟის 15 წევრი. დაღუპულთა უმრავლესობა ნიდერლანდების მოქალაქე გახლდათ.

ანანო კვაჭანტირაძე