გუშინ კიევში ქვეყნის შინაგან საქმეთა სამინისტროს წარმომადგენლებმა 41 წლის ქართველი ე.წ. კანონიერი ქურდი გიორგი ლობჟანიძე დააკავეს, კრიმინალურ სამყაროში ცნობილი, როგორც „კუწუ“.

უკრაინული მედიის ცნობით დაკავებული საკმაოდ გავლენიანი კრიმინალური ავტორიტეტია, რომელიც უკრაინაში ცხოვრობს. როგორც ცნობილია, ლობჟანიძე 2004 წელს საქართველოში დააკავეს, 2010 წელს კი გათავისუფლდა და უკრაინაში გადავიდა, იგი დონეცკის ოლქში ცხოვრობდა.

როგორც ცნობილია დონეცკში ლობჟანიძე კიდევ ერთ ქართველ ე.წ. კანონიერ ქურდთან გიორგი ხმელიძესთან და ნოდარ ასოიანთან ერთად ცხოვრობდა.

ორი წლის წინ ლობჟანიძე დონეცკში დააკავეს, თუმცა, დაკავებამ მშვიდად ჩაიარა და იმავე დღეს მისი დეპორტაცია სხვა ქვეყანაში გადაწყდა. მიუხედავად ამისა „კუწუ“ უკრაინაში მალევე დაბრუნდა. მას შემდეგ რაც უკრაინის აღმოსავლეთის მოვლენების განვითარება დაიწყო, კუწუ და ასოიანი ყირიმში გადავიდნენ, ხმელიძე კი კიევში.

ანანო კვაჭანტირაძე