შს მინისტრე ალექსანდრე ჭიკაიძე ქართველი სამართალდამცველების მხრიდან დიდი ოდენობით ჰეროინის ამოღებასთან დაკავშირებით განმარტებებს აკეთებს. მისი ინფორმაციით, პოლიციელების მიერ ამოღებული 2 ტონაზე მეტი ნარკოტიკული საშუალება ტერორისტული ორგანიზაცია „თალიბანის“ საკუთრება იყო. ჭიკაიძის თქმით, ტვირთის ღირებულება დაახლოებით 400 მილიონ დოლარს შეადგებდა.

„შს სამინისტროს კრიმინალური დეპარტამენტის თანამშრომლების მიერ ფინანსთა სამინისტროს გამშვები პუნქტის თანამშრომლებთან ერთად ამოღებულ იქნა 2 ტონა და 790 გრ თხევადი ნარკოტიკული საშუალება „გერაინი“.ეს არის ავღანური წარმოშობის ნარკოტიკი, რომელიც მიეკუთვნებოდა „თალიბანს“, გადატანა ევროპის მიმართულებით ხდებოდა და ამ თანხებით ხდებოდა ამ „თალიბანის“ დაფინანსება“, - განაცხადა ჭიკაიძემ.

რამდენიმე კვირის წინ, შინაგან საქმეთა სამინისტროს და ფინანსთა სამინისტროს შემოსავლების სამსახურის თანამშრომლებმა ერთობლივად ჩატარებული ოპერატიულ-საგამოძებო ღონისძიების შედეგად საერთაშორისო ნარკოტრეფიკის ფაქტი გამოავლინეს. აღნიშნულ ფაქტზე დაკავებულია საქართველოს ორი მოქალაქე.

სამართალდამცველებმა სატვირთო ავტომობილის ჩხრეკისას დაახლოებით 2 ტონა და 790 კილოგრამი თხევადი ჰეროინი აღამოაჩინეს.

ნინო დათაშვილი