„პუტინი ცდილობს ჩვენს პროვოცირებას სრულმასშტაბიანი ომის წამოწყების სურვილით, რისთვისაც ჩვენი შეიარაღებული ძალები ჯერჯერობით მზად არ არის“, - ამის შესახებ უკრაინის პრეზიდენტის მრჩეველმა იური ლუცენკომ განაცხადა.

„არ დავივიწყოთ , რომ რუსეთისა და უკრაინის შეფარდება ერთი ათთან არის, სამხედრო კუთხით კი პროპორცია კიდევ უფრო დიდია. პუტინი ჩვენს პროვოცირებას იწყებს, რათა სრულმასშტაბიანი ომი დავიწყოთ“, - განაცხადა ლუცენკომ.

მისივე თქმით, უკრაინის სპეცსამსახურების მონაცემებით, რამდენიმე დღის წინ ქვეყანა ფართომასშტაბიანი შეჭრის საშიშროების წინ იდგა. „საუბარი იყო არა მხოლოდ უკრაინის აღმოსავლეთზე, არამედ სუმსკისა და ჩერნიგოვსკის ოლქების საზღვრებზეც, სადაც რუსეთის სამხედრო დანაყოფები დგანან სამხედრო ტექნიკით, რომლებსაც აწერია „სამშვიდობო ძალები“. პუტინი ამისთვის მზად იყო. ჩვენ თავდაპირველად ჩვენი ტერიტორია უნდა გავათავისუფლოთ“, - განაცხადა ლუცენკომ.

ანანო კვაჭანტირაძე