ღაზის სექტორში ისრაელის არმია ანტიტერორისტულ ოპერაციას აგრძელებს. გასულ ღამეს "ცახალმა" ოპერაციის დაწყების შემდეგ მიღებული დანაკლისის გახმაურების ნებართვა მიიღო.

გავრცელებული ცნობით, ოპერაციის 15 დღის განმავლობაში დაღუპულია ისრაელის არმიის 27 სამხედრო, 30 დაჭრილია ერთი კი ღაზას სექტორში დაიკარგა, რომელიც, სავარაუდოდ, მძევლად არის აყვანილი.

ქვეყნის პრემიერი აცხადებს, რომ ოპერაცია იქამდე გაგრძელდება, ვიდრე ისრაელი მიზანს არ მიაღწევს. სამშვიდობო მოლაპარაკების გასამართად ეგვიპტეში ჩავიდნენ გაეროს გენერალური მდივანი და შეერთებული შტატების სახელმწიფო მდივანი.

გავრცელებული ცნობით, ბან კი მუნი დღეს ჰუმანიტარული მიზნებით ხანგრძლივი ზავის დამყარების ინიციატივით გამოვა, თუმცა “ჰამასისა” და “ისლამური ჯიჰადის” წარმომადგენლებმა უკვე განაცხადეს, რომ ისინი ჰუმანიტარული მიზნებისთვის მხოლოდ 5-საათიან ზავს დათანხმდებიან.

ნინა შადური