ჰოლანდიელი ჰანს დე ბორსტი, რომლის შვილის ბოინგ 777-ის კატასტროფის დროს გარდაიცვალა, რუსეთის პრეზიდენტის მისამართით „ფეისბუქზე“ წერილს აქვეყნებს.

ბორსტი ვლადიმერს პუტინს სეპარატისტების ლიდერს უწოდებს მისი გარდაცვლილი შვილის შესახებ უყვება. გარდაცვლილი გოგონას მამა საკუთარი შვილის გეგმებზე წერს და პუტინს მიმართავს - შეძლებს თუ არა ის ჩაიხედოს სარკეში, როდესაც ამდენი ადამიანის სიცოცხლე იმსხვერპლა.

„დიდი მადლობა ბატონ პუტინს, სეპარატისტების ლიდერს, იმისთვის, რომ მომიკლა ერთადერთი საყვარელი შვილი ელსემიეკ დე ბორსტი. ის 17 წლის იყო და მალაიზიაში დედასთან (ჩემს ყოფილ მეუღლესთან), მის პატარა ძმასთან და მამინაცვალთან ერთად დასასვენებლად მიდიოდა. ის მოულოდნელად აღარ არის. ის დახვრიტეს იმ ქვეყნის ცაზე, სადაც გრძელდება ომი. ბატონო პუტინო, იმედი მაქვს თქვენ ამაყობთ, რომ მოკალით ის, უამრავი სხვა, ახალგაზრდა სიცოცხლე და მომავალი. ვიმედოვნებ, რომ თქვენ შეძლებთ შეხედოთ საკუთარ თავს სარკეში“,-წერს ბორსტი.

რამდენიმე დღის წინ, მალაიზიის ავიახაზების სამგზავრო თვითმფრინავი უკრაინის ტერიტორიაზე, რუსეთის საზღვრიდან 60 კილომეტრის მოშორებით ჩამოვარდა. შემთხვევის შედეგად შედეგად ბორტზე მყოფი 285 მგზავრი და ეკიპაჟის 15 წევრი დაიღუპა.

ნინი კაციტაძე