დიდი ბრიტანეთი ევროკავშირს რუსეთის ფედერაციის წინააღმდეგ მკაცრი სანქციების შემოღებას სთხოვს. ამის შესახებ ინფორმაციას Bloomberg ავრცელებს.

სანქციები, რომელსაც დევიდ კემერონი ევროკავშირს სთავაზობს, გახლავთ რუსეთის ფედერაციის შეიარაღების ექსპორის აკრძალვა ევროპის ქვეყნებში. დიდი ბრიტანეთის მთავრობა ასევე მოითხოვს დამატებით სანქციებს რუსეთის ფედერაციის რამდენიმე მაღალჩინოსანსა და კომპანიაზე, რომლებიც მატერიალურ დახმარებას უწევენ ტერორისტებს.

კემერონსა და ვლადიმერ პუტინს შორის სატელეფონო საუბარიც შედგა. კემერონმა პუტინს განუცხადა, რომ რუსეთის მხრიდან ტერორისტების მხარდაჭერამ ტრაგედია განაპირობა. დიდი ბრიტანეთის პრემიერმინისტრმა რუსეთის პირველი პირისგან მიიღო დაპირება იმის შესახებ, რომ იგი შეიცვლის პოზიციას და უკრაინაში მშვიდობის დასამყარებლად ყველაფერს გააკეთებს.

17 ივლისს მომხდარი კატასტროფის შედეგად 298 ადამიანი გარდაიცვალა, მათ შორის დიდი ბრიტანეთის 10 მოქალაქე.

ანანო კვაჭანტირაძე