ამერიკის შეერთებული შტატების სახელმწიფო მდივანმა რამდენიმე წამყვან ტელეეთერში რუსეთს ღიად დასდო ბრალი სეპარატისტების მხარდაჭერაში. რამაც მალაიზიური ბოინგის კატასტროფა გამოიწვია. ჯონ ქერის განცხადებით არსებობს იმის დამადასტურებელი ნიშნები, რომ ტერორისტები რუსეთის მხრიდან მარაგდებიან:

„არაფხიზელ მდგომარეობაში მყოფი სეპარატისტები სატვირთოებში ალაგებენ დაღუპულთა ცხედრებს და სხვა ადგილას გადააქვთ, როგორც ვიცი, მათ თვითმფრინავის ნაწილებიც გაიტანეს. რუსეთმა საჯაროდ უნდა გამოხატოს მხარდაჭერა გამოძიების პროცესისადმი, სადაც ჩართული იქნება საერთაშორისო საავიაციო ორგანიზაცია, ფედერალური ბიურო. ჩვენ გვჭირდება ფაქტები“, - განაცხადა ქერიმ.

17 ივლისს უკრაინის ტერიტორიაზე ჩამოვარდნილმა ბოინგ 777-მა 298 ადამიანის სიცოცხლე იმსხვერპლა.

ანო თორელი