„რუსეთს უკანასკნელი შესაძლებლობა აქვს დაამტკიცოს, რომ იგი ნამდვილად დაინტერესებულია უკრაინის კრიზისის მოგვარებით“, - ამის შესახებ გერმანიის საგარეო საქმეთა მინისტრმა ფრანკ-ვალტერ შტაინმაიერმა განაცხადა გაზეთ „Bild am Sonntag“, - თან ინტერვიუში.

მან ირიბად გააკრიტიკა რუსეთი ბოინგ - 777-ის ჩამოგდების გამო და ყოველივეში ტერორისტები დაადანაშაულა.

„ჩვენ უნდა ვიყოთ ფრთხილად, რადგან ბოინგ 777-ის ავიაკატასტროფის შემდეგ ნათლად გამოჩნდა, რომ ტერორისტები და ამბოხებულები ცივილიზებული მსოფლიოს კანონებს არ ცნობენ. ეს შემაშფოთებელი და ამასთანავე ამაზრზენია“, - განაცხადა შტაინმაიერმა.

მინისტრის თქმით, არ აქვს მნიშვნელობა სამგზავრო თვითმფრინავი შემთხვევით ჩამოვარდა თუ ვინმემ ჩამოაგდო: „ის, ვინც ასეთ იარაღს იყენებს, ასევე განსაზღვრავს კატასტროფის შესაძლებლობას, შედეგად, სახეზეა, რომ არაფრის გამო არ შეჩერდება“.

ამასთანავე, შტაინმაიერი ნაწილობრივ მაინც აკისრებს ოფიციალურ მოსკოვს პასუხისმგებლობას უკრაინის აღმოსავლეთში მიმდინარე მოვლენების გამო: „ნებისმიერ შემთხვევაში რუსეთის ხელისუფლებამ ვერ შეძლო ტერორისტების შეჩერება“.

ანანო კვაჭანტირაძე