ამერიკელი სენატორი რესპუბლიკელი ჯონ მაკკეინი ამერიკის შეერთებული შტატების ხელისუფლების პოზიციას უკრაინის თავდაცვისთვის სამხედრო დახმარების გაწევაზე თავშეკავებასთან დაკავშირებით მხდალს უწოდებს. ამის შესახებ Reuters იუწყება.

„ჩვენ უარი ვთქვით მივცეთ მათ იარაღი თავის დასაცავად, პუტინი კი ტერორისტების შეიარაღებას განაგრძობს“, - აცხადებს სენატორი.

მაკკეინის აზრით, სწორედ ტერორისტების მასშტაბური შეიარაღების გამო ახერხებენ ბანდფორმირებები უკრაინის ქალაქების კონტროლს.

„მე ვფიქრობ რომ ეს ჩვენი სიმხდალეა - უარი ვთქვათ უკრაინის დახმარებაზე, მაშინ, როცა ისინი მათ ქვეყანაში შეჭრილი მტრისგან თავს უნდა იცავდნენ“, - მიიჩნევს სენატორი.

მაკკეინი ასევე თვლის, რომ მსოფლიო საზოგადოებამ პუტინი უნდა გაასმართლოს უკრაინის წინააღმდეგ გამოჩენილი აგრესიის გამო, ასევე გამოიყენოს რუსეთის წინააღმდეგ ყველაზე მკაცრი სანქციები.

ამასთანავე, რესპუბლიკელმა სენატორმა მოუწოდა ნატო-ს, შეიარაღებული ძალები დისლოცირებულნი იყვნენ ბალტიის საზღვრებთან, რუსეთის ფედერაციის მხრიდან არსებული მუქარის გამო.

ანანო კვაჭანტირაძე