ამერიკის შეერთებული შტატების პრეზიდენტმა ბარაკ ობამამ გერმანიის კანცლერთან ანგელა მერკელთა და დიდი ბრიტანეთის პრემიერმინისტრთან დევიდ კემერონთან რუსეთის ფედერაციის წინააღმდეგ დამატებითი სანქციების შემოღების შესაძლებლობა განიხილა, იმ შემთხვევაში თუ რუსეთი არ მიიღებს შესაბამის ზომებს უკრაინის დეესკალაციისთვის. ამის შესახებ ინფორმაციას Reuters თეთრ სახლზე დაყრდნობით ავრცელებს.

„შეთანხმდენენ რა განაგრძონ ძალისხმევის დახარჯვა დიპლომატიური გადაწყვეტილებების ძებნაში არსებული კრიზისის მოსაგვარებლად, მათ დაადასტურეს თავიანთი გადაწყვეტილება იქონიონ მჭიდრო ურთიერთობა. როგორც ისინი თვლიან, შესაძლოა საჭირო იყოს დამატებითი სანქციები. მათ დაადასტურეს, რომ რუსეთის ფედერაციაზეა პირდაპირი პასუხისმგებლობა უკრაინის ტერიტორიაზე ტერორისტების იარაღით აღჭურვის შეწყვეტასთან დაკავშირებით“, - ნათქვამია თეთრი სახლის მიერ გავრცელებულ განცხადებაში.

დიალოგის ფარგლებში აშშ-სა და დიდი ბრიტანეთის ლიდერებმა ხაზი გაუსვეს სამომავლო ზომების მიღების აუცილებლობას, იმ შემთხვევაში თუ რუსეთი განაგრძობს მიღებული ზომების უგულვებელყოფას უკრაინის კონფლიქტის გაღვივებით.

შეგახსენებთ, რომ 16 ივლისს ამერიკის შეერთებულმა შტატებმა გაამკაცრა სანქციები რუსეთის ფედერაციის წინააღმდეგ. შეზღუდვები შეეხო მსხვილ ბანკებს, ასევე ენერგეტიკულ და თავდაცვით კორპორაციებს, თვითაღიარებული დონეცკისა და ლუგანსკის ლიდერებს და რამდენიმე მაღალი თანამდებობის პირს.

ანანო კვაჭანტირაძე