„რუსეთი არ აპირებს მიიღოს სეპარატისტების მიერ გაგზავნილი ბოინგ 777-ის შავი ყუთი“, - ამის შესახებ რუსეთის ფედერაციის საგარეო საქმეთა მინისტრმა სერგეი ლავროვმა „რასია 24“-თან საუბრის დროს განაცხადა:

„ჩვენ მომხრე ვართ იმისა, რომ რაც შეიძლება სწრაფად ჩავიდნენ კატასტროფის ადგილზე საერთაშორისო ექსპერტები, რათა მათ „შავი ყუთი“ მიიღონ. მიუხედავად იმისა, რაც კიევიდან ისმის, ჩვენ არ ვაპირებთ ეს ყუთები მივიღოთ, არ ვაპირებთ დავარღვიოთ ის ნორმები, რაც მსგავსი ტიპის შემთხვევბისას არსებობს საერთაშორისო თანამეგობრობაში.

ეს არის იმ სახელმწიფოების საქმე, რომლებსაც უფრო პირდაპირი კავშირი აქვთ ამ ტრაგედიასთან“, - განაცხადა ლავროვმა.

ანანო კვაჭანტირაძე