ეროსი კიწმარიშვილი გარდაცვალების საქმეში დამოუკიდებელი ექსპერტი მაია ნიკოლაიშვილი აცხადებს, რომ დამოუკიდებელი ექსპერტიზის შესახებ ინფორმაციას არ ფლობს.

„გენეტიკური ექსპერტიზა ძალიან საინტერესოა ლულაზე აღმოჩნდება თუ არა მიბჯენის კვალი, თითის ანაბეჭდების შესახებ კი მე ოფიციალურად არ მიმიღია ინფორმაცია, მაგრამ ეს დაფიქრებად რა თქმა უნდა ღირს, შეჯერება აუცილებელი და სერიოზული საფიქრებელი იქნება. ეს ახლა ჩემთვის ძალიან მოულოდენელია, უბრალოდ ვნახოთ სად არ აღმოჩნდა... იარაღზე კი არის ბევრი ნაჭდევები და ასეთ დროს თითის ანაბეჭდები ცოტა პრობლემურია ხოლმე, მაგრამ შეიძლება თითის ანაბეჭდები ნაწილი აღმოჩნდა და იდენტიფიკაციისთვის ვარგისი არ არის, ამიტომ პასუხი უნდა გავარკვიოთ“,- განაცხადა მაია ნიკოლაიშვილმა.

ეროსი კიწმარიშვილის ძმის ზურა კიწმარიშვილი ინფორმაციით, ექსპერტიზის შედეგად იარაღზე ეროსი კიწმარიშვილის თითის ანაბეჭდები ვერ აღმოაჩინეს. ზურაბ კიწმარიშვილი ლევან სამხარაულის ექსპერტიზის ბიუროში დღეს დილიდან იმყოფებოდა. მისი თქმით, ჯერჯერობით უცნობია თუ ვის ეკუთვის თითის ანაბეჭდები, რომელიც შემთხვევის დროს ნაპოვნ იარაღზეა აღმოჩენილი.

ნინა გოლოშვილი